Молитва при ожогах ксении петербургской

Оглавление:

• молитва о замужестве и даровании детей
• молитва о любви и здравии
• молитва о семейном благополучии
• молитва блаженной о помощи

Молитвы Ксении Петербургской о замужестве и о даровании детей

«О святая всеблаженная мати Ксение! Под покровом Всевышняго жившая, ведомая и укрепляемая Богоматерью, голод и жажду, холод и зной, поношения и гонения претерпевшая, дар прозорливости и чудотворения от Бога получила еси и под сенью Всемогущего покоишися. Ныне святая Церковь, яко благоуханный цвет, прославляет тя. Предстояще на месте твоего погребения, пред образом твоим святым, яко живей ти, сущей с нами, молимся ти: приими прошения наша и принеси их ко престолу милосерднаго Отца Небеснаго, яко дерзновение к Нему имущая, испроси притекающим к тебе вечное спасение, на благая дела и начинания наша щедрое благословение, от всяких бед и скорбей избавление. Предстани святыми твоими молитвами пред Всемилостивым Спасителем нашим о нас, недостойных и грешных. Помози, святая блаженная мати Ксение, младенцы светом святого крещения озарити и печатию дара Духа Святаго запечатлети, отроки и отроковицы в вере, честности, богобоязненности воспитати и успехи в учении им даровати; болящия и недугующия исцели, семейным любовь и согласие ниспосли, монашествующих подвигом добрым подвизатися удостой и от поношений огради, пастыри в крепости Духа Святаго утверди, народ и страну нашу в мире и безмятежии сохрани, о лишенных в предсмертный час причащения Святых Христовых Тайн умоли. Ты наша надежда и упование, скорое услышание и избавление, тебе благодарение воссылаем и с тобою славим Отца и Сына и Святаго Духа, ныне и присно, и во веки веков. Аминь.»

Молитва Ксении Петербургской о любви и здравии

«О препростая образом жития своего, бездомная на земли, наследнице же обителей Отца Небеснаго, блаженная страннице Ксение! Якоже прежде к надгробию твоему недужнии и скорбнии припадавшии и абие утешениями исполняемии, сице ныне и мы (имена), обуреваемии тлетворными обстоянии, тебе прибегающе, с надеждою просим: помолися, благая небошественнице, дабы исправилися стопы наша по словеси Господню к деланию заповедей Его, и да упразднится богоборное безбожие, пленившее град твой и страну твою, повергающее нас, многогрешных, в смертное братоненавидение, гордое самовозбешение и хульное отчаяние. О, блаженнейшая Христа ради, посрамившая суемудрость века сего, испроси у Творца и Подателя всяческих благ даровати нам смирения, кротости и любве в сокровище сердца нашего, веры в укрепление молитвы, надежды в покаянии, крепости в многотрудном житии, милосерднаго исцеления души и тела нашего, целомудрия в супружестве и благопопечения о ближних и искренних своих, всего жития нашего обновление в чистительней бане покаяния, яко да всехвально воспевающе память твою, прославим в тебе чудодействующаго, Отца и Сына и Святаго Духа, Троицу Единосущную и Нераздельную во веки веков. Аминь.»

Молитва Ксении Петербургской о семейной благополучии

«О преславная святая блаженная мати наша Ксение, теплая о нас пред Богом молитвеннице! Якоже прежде к надгробию твоему припадавшии, сице ныне и мы по прославлении твоем к мощем твоим прибегающе, просим: помолися Господу, да освятит наши души и телеса, да просветит ум, очистит совесть от всякия скверны, нечистых помыслов, лукавых и хульных умышлений и от всякаго превозношения, гордости же и кичения, высокоумия же и дерзости, от всякаго фарисейскаго лицемерия, и от всякаго студнаго и лукаваго обычия нашего; да дарует нам искреннее покаяние, сокрушение сердец наших, смиренномудрие, кротость же и тихость, благоговение, разум же духовный со всяким благоразумием и благодарением. Утаившая себе от мудрых века сего, но Богу знаемая, испроси же стране нашей Российстей от бед лютых избавление, всего нашего жития обновление и исправление, соблюди нас во всяком благочестивом православном исповедании веры христианския, яко да ублажающе тя сподобимся во вся дни воспевати, благодарити и славити Отца и Сына и Святаго Духа, Троицу Единосущную, Животворящую и Нераздельную во веки веков. Аминь.»

Молитва Ксении Блаженной о помощи

«О святая угодница Божия блаженная Ксения! Призри милостиво твоим оком на нас, раб Божиих (имена), честной твоей иконе умильно молящиеся и просящие у тебе помощи и заступления. Простри ко Господу Богу нашему теплыя твоя молитвы и испроси душам нашим оставление прегрешений. Се бо мы сердцем сокрушенным, и духом смиренным тебе ходатаицу милостивую ко Владыце и молитвенницу за ны, грешныя, призываем, яко ты прияла еси от Него благодать молитися за ны и от бед избавляти. Тебе убо просим, не презри нас недостойных, молящихся тебе и твоей помощи требующих, и исходатайствуй всем вся ко спасению полезная, яко да твоими ко Господу Богу молитвами получивши благодать и милость прославим всех благих Источника и Дароподателя и Бога Единаго, в Троице Святей славимаго. Отца и Сына и Святаго Духа, ныне и присно и во веки веков.»

Сохранить акафист в социальных сетях:

Святая Ксения Петербургская: в чём помогает, как правильно просить

Святая Блаженная Ксения Петербургская после внезапной кончины мужа, умершего без покаяния, приняла крест юродства Христа ради. Как при жизни, так и после помогла  и помогает множеству людей, обращавшихся к ней со всякой потребой.

Молитвы, обращенные к Ксении Петербургской, способны укрепить брачные узы и предотвратить ссоры и скандалы в семье. Молодые люди обращаются к ней за помощью в поиске второй половинки.

Просят ее и при возникающих трудностях, нелегком судьбоносном выборе и для привлечения в жизнь удачи. Многие признаются, что молитвы, обращенные к блаженной, помогли преодолеть тяжелый недуг и успешно справиться с последствиями болезни.

К иконе приходят все, кому нужна помощь: матери, просящие о долгожданном ребенке, родители, обеспокоенные судьбой своих детей. Неиссякаемая череда паломников славит эту уникальную женщину, которая и после смерти продолжает дарить людям веру в Высшие силы и надежду на светлое будущее. Она покровительствует всем нуждающимся и защищает их от превратностей судьбы.

Традиция приезжать к могиле Ксенюшки на Смоленское кладбище в Санкт-Петербурге началась в XIX веке. Могильный холм, с которого верующие брали себе землю, досыпали не один раз. В середине XIX века на месте погребения поставили часовенку, но поток почитающих святую был так велик, что в 1902 году возвели большую часовню во имя святой блаженной Ксении Петербургской.

Хотя бытует мнение, что лучше всего просить участия Ксению нужно у её мощей, но молиться святой можно перед иконой дома и в храме во время молебна. Главное делать это смиренно и сердечно, с уверенностью, что святая услышит и поможет.

Чудотворная молитва Ксении Петербургской о здоровье и исцелении от всякой болезни

Болезни всегда считались испытанием, которое Бог посылает человеку. При этом принимать их надо не ропща, а в молитвах своих каяться и просить прощения и избавления от недугов.

Никто не отрицает важность лечения, но слова молитвы о здоровье себе, произнесенные от чистого сердца и со светлыми помыслами, облегчат душу, придадут сил для борьбы с хворями. При этом они могут оказаться не менее эффективными, чем лекарства.

О препростая образом жития своего, бездомная на земли, наследнице

же обителей Отца Небеснаго, блаженная страннице Ксение! Якоже

прежде к надгробию твоему недужнии и скорбнии припадавшии и абие

утешениями исполняемии, сице ныне и мы (имена), обуреваемии

тлетворными обстоянии, тебе прибегающе, с надеждою просим:

помолися, благая небошественнице, дабы исправилися стопы наша

по словеси Господню к деланию заповедей Его, и да упразднится

богоборное безбожие, пленившее град твой и страну твою,

повергающее нас, многогрешных, в смертное братоненавидение,

гордое самовозбешение и хульное отчаяние. О, блаженнейшая

Христа ради, посрамившая суемудрость века сего, испроси у Творца

и Подателя всяческих благ даровати нам смирения, кротости и

любве в сокровище сердца нашего, веры в укрепление молитвы,

надежды в покаянии, крепости в многотрудном житии, милосерднаго

исцеления души и тела нашего, целомудрия в супружестве и

благопопечения о ближних и искренних своих, всего жития нашего

обновление в чистительней бане покаяния, яко да всехвально

воспевающе память твою, прославим в тебе чудодействующаго,

Отца и Сына и Святаго Духа, Троицу Единосущную

и Нераздельную во веки веков. Аминь.

Материнская молитва о здравии и исцелении Пантелеймону Целителю — читать.

Женская молитва Ксении Петербургской о любви и счастливом замужестве

Среди Святых, помогающих в разрешении сложных сердечных проблем, Ксения считается одной из самых сильных. Она познала и счастливый брак по любви, и радость истинного служения Богу, поэтому всегда откликается на искренние, идущие от самого сердца слова молитвы о взаимной любви и замужестве.

Поможет она, и если просят не только за себя, но и своих родных и близких. Несколько изменив слова в молитве Вы можете просить Ксению Петеребургскую и о замужестве дочери.

Непорочная Ксения, Владычица Петербургская! Молю тебя о

замужестве светлом, и существовании безбедном. Не в

наказание, пошли мне мужа, чтоб не пролилась слезок лужа.

Пускай супруг мой будет сильный, не пьющий, любящий

и мирный. Я верую в Едина Бога, что лишь к нему ведет

дорога. Благословения прося, замужеству отдамся вся.

Да будет воля твоя. Аминь.

Молитва святой Екатерине о скором замужестве — читать.

Молитва Ксении Петербургской о крепкой семье и рождении детей

Роль женщины в семье трудно переоценить. Вся Библия пропитана примерами жизни прародительниц рода человеческого, которые, так или иначе, влияли на историческое развитие человечества.

Многие святые жены оставили пример покорности, верности, мужества и послушания в истории человечества, такой была и Блаженная Ксения. Если ваша семья переживает сложные времена, не получается забеременеть, вы часто ссоритесь, не понимаете друг-друга, и дело идёт к разводу — обратитесь за помощью в молитве к Ксении Петербургской:

О, Всеблаженная Мати, Святая Ксение! Речи и мольбы свои Тебе

направляю,взор свой на лик Твой обращаю, так услышь меня,

грешную рабу Божию (назовите свое имя)! Не остави меня без

благословения, не откажи в поддержке, не отвернись в час трудный.

Помоги в семье лад восставить, чтобы ладком с мужем жить, в

любви и гармонии. Пусть в семье нашей счастье и благополучие

царит, а ссоры примирением завершаются, чтобы сильные чувства

вовек взаимны были, понимание в семье царило. Подари в награду

деток маленьких, чтобы их воспитать во служении и богобоязни

выучить, род достойный продолжить и до конца жизни ними

гордиться. Чтобы я покорной женой своему мужу была, а он ко мне

внимательным станет,да чтобы воцарилось спокойствие в нашей

семье, благополучие, любовь, взаимопонимание. О, Ксение,

прошу Тебя об этом, на благосклонность Твою уповаю, моление

выпрашиваю! Как всем восхвалявшим да прославлявшим Твои

деяние и житие ты помогала, так и мне пособи. Хвалу тебе и

благодарность вовек нести буду, имя Твое воспевать стану! Аминь.

Молитва чтобы муж любил Петру и Февронии — читать.

Молитва Блаженной Ксении Петербургской о помощи в работе и делах

Поможет Ксенюшка и тем, кто находится в поисках работы, кто должен принимать важные решения на работе или в любых других жизненных делах. Также с помощью этой молитвы можете попросить святую о решении проблемы, которая вот уже долгое время находится в подвешенном состоянии.

О святая угодница Божия блаженная Ксения! Призри милостиво

твоим оком на нас, раб Божиих (имена), честной твоей иконе

умильно молящиеся и просящие у тебе помощи и заступления.

Простри ко Господу Богу нашему теплыя твоя молитвы и испроси

душам нашим оставление прегрешений. Се бо мы сердцем

сокрушенным, и духом смиренным тебе ходатаицу милостивую

ко Владыце и молитвенницу за ны, грешныя, призываем, яко ты

прияла еси от Него благодать молитися за ны и от бед избавляти.

Тебе убо просим, не презри нас недостойных, молящихся тебе и

твоей помощи требующих, и исходатайствуй всем вся ко спасению

полезная, яко да твоими ко Господу Богу молитвами получивши

благодать и милость прославим всех благих Источника и

Дароподателя и Бога Единаго, в Троице Святей славимаго. Отца и

Сына и Святаго Духа, ныне и присно и во веки веков. Аминь.

Акафист (тропарь кондак и молитва) Ксении Петербургской

Акафист — это православная христианская песнь, восхваляющая святого. Читать акафист советуют утром, до принятия пищи. Обычно это делается вслух, слова хвалебного пения верующий пропускает через свое сердце.

Кондак 1

Избранная угодница и Христа ради юродивая, святая блаженная

мати Ксения, избравшая подвиг терпения и злострадания,

хвалебное пение приносим ти, чтущия святую память твою.

Ты же заступи нас от враг видимых и невидимых, да зовем ти:

Радуйся, Ксения блаженная, молитвенница о душах наших.

Икос 1

Равноангельского жития взыскала еси, блаженная мати,

по успении мужа твоего отвергла еси мира сего красоту

и вся, яже в нем: похоть очес, похоть плоти и гордость

житейскую, юродством разум Христов стяжала еси.

Того ради услыши от нас похвалы, тебе возносимые:

Радуйся, житием твоим Андрею, Христа ради

юродивому равная; Радуйся, имени своего отрекшаяся,

себе же умершей именовавшая. Радуйся, в юродстве

имя мужа твоего Андрея принявшая; Радуйся, именем

мужеским назвавшись, немощи женской отрешившаяся.

Радуйся, все имение твое добрым людям и нищим

раздавшая; Радуйся, нищету добровольную Христа ради

приявшая. Радуйся, века сего суемудрия юродством

твоим отвергатися нас научившая; Радуйся, благая

утешительнице всех, в молитве к тебе прибегающих.

Радуйся, Ксения блаженная, молитвенница о душах наших.

Кондак 2

Видя странное твое житие, яко ты презрела еси дом свой

и всякое мирское богатство, родные по плоти безумной тя

полагаху, людие же града Петрова, видя смирение твое,

нестяжание и вольную нищету, воспели Богу: Аллилуиа.

Икос 2

Разум, от Бога тебе данный, ты, Ксения блаженная, в мнимом

безумии скрыла еси; в суете града великого аки пустынница

жила еси, молитвы Богу свои вознося непрестанно. Мы же,

дивящеся таковому житию твоему, взываем тебе хвалебно:

Радуйся, крест тяжкий юродства, от Бога тебе данный, на

рама своя принявшая; Радуйся, мнимым безумием сияние

благодати скрывавшая. Радуйся, дар прозорливости

смирением крайним и подвигом молитвы стяжавшая;

Радуйся, дар сей на пользу и спасение страждущих

являвшая. Радуйся, страдания людския прозорливо

в дали необозримей зревшая; Радуйся, жене доброй

о рождении сына прорекшая. Радуйся, яко жене той

у Бога чадо испросившая; Радуйся, всех к Богу в

молитве прибегати научившая. Радуйся, Ксения

блаженная, молитвенница о душах наших.

Кондак 3

Силою свыше, от Бога тебе дарованной, зной и люту

стужу мужественно претерпевала еси, распиная плоть

свою со страстьми и похотьми. Тем же Духом Святым

просвещаемая, взывала непрестанно Богу: Аллилуиа.

Икос 3

Имея, о блаженная, небо покровом себе, землю же

ложем своим, отвергла еси плотоугодие Царства

Божия ради. Мы же, зряще таковое твое житие, со

умилением зовем ти: Радуйся, жилище свое земное

людям отдавшая; Радуйся, небесного крова взыскавшая

и получившая. Радуйся, ничто же земное имущая, а

всех духовно богатящая; Радуйся, житием своим

терпению нас научающая. Радуйся, любовь Божию

людям показующая; Радуйся, плодами благочестия

украшенная. Радуйся, терпение и незлобие миру

явившая; Радуйся, теплая предстательница наша

пред престолом Всевышнего. Радуйся,

Ксения блаженная, молитвенница о душах наших.

Кондак 4

Бурю житейскую, во граде Петрове мятущуюся, кротостию

и незлобием преодолела еси, блаженная мати, бесстрастие

же к тленному миру стяжала еси. Тем же и поеши Богу:

Аллилуиа.

Икос 4

Слыша о тебе, яко ты, злостражда Христа ради, скорбных

утешаеши, немощных укрепляеши, заблудших на путь

правый наставляеши, людие страждущия к помощи твоей

прибегаху, воспевающе тебе: Радуйся, путь Христов всем

сердцем возлюбившая; Радуйся, крест Христов радостно

понесшая. Радуйся, всякое поношение от мира, плоти и

диавола претерпевшая; Радуйся, даров Божиих

преисполненная. Радуйся, любовь к ближним явившая;

Радуйся, страждущим людям утешение подававшая.

Радуйся, слезу плачущих отиравшая; Радуйся,

благодатию Духа Святаго чудесно согреваемая. Радуйся,

Ксения блаженная, молитвенница о душах наших.

Кондак 5

Боготечной звездой явилася святость твоя, Ксения

блаженная, осветившая небосклон града Петрова.

Уже бо людем, гибнущим в безумии греха, ты явила

путь спасения, всех к покаянию призывая, во еже

вопити Богу: Аллилуиа.

Икос 5

Видя подвиги твоя в молитве, терпении хлада и зноя,

благочестивые люди пытахуся умалити страдания твоя,

одежду тебе и пищу приносяще. Ты же вся сия нищим

раздавала еси, желая в тайне, подвиг свой сохранити.

Мы же, дивяся вольней нищете твоей, взываем ти сице:

Радуйся, зной и стужу Христа ради добровольно

терпевшая; Радуйся, в молитве непрестанно пребывавшая.

Радуйся, град Петров всенощным бдением от бед

ограждавшая; Радуйся, гнев Божий многажды от него

отвращавшая. Радуйся, во все дни года ночами в поле

молившаяся;  Радуйся, сладость райскую в нищете

духовной вкусившая. Радуйся, яко в сладости сей вся

земная оставившая; Радуйся, яко вся в Боге пребывавшая.

Радуйся, Ксения блаженная, молитвенница о душах наших.

Кондак 6

Проповедуют святость жития твоего, богоблаженная,

вси избавленнии тобой от многоразличных болезней,

бед и скорбей, богатии и убозии, старцы и юныя. Тем

же и мы, прославляюще тя, Богу вопием: Аллилуиа.

Икос 6

Воссияла слава подвигов твоих, блаженная мати, егда

ты нощию строителям церкви Смоленской камни тайно

носила еси, облегчая делателей церковных. Сия ведуще,

и мы грешнии зовем ти таковая: Радуйся, тайно творити

добродетели нас научающая; Радуйся, к подвигам

благочестия всех призывающая. Радуйся, строителям

храмов Божиих помогающая; Радуйся, святость

церковную возлюбившая. Радуйся, труды наши на пути

спасения облегчающая; Радуйся, к тебе прибегающих

скорая помощница. Радуйся, всем скорбящим благая

утешительница; Радуйся, града Петрова небесная заступница.

Радуйся, Ксения блаженная, молитвенница о душах наших.

Кондак 7

Хотя избавити от скорби плачущаго врача, жену хоронившего,

ты повелела некоей девице на Охту бежати и тамо мужа себе

обрести и утешити. И совершишася тако, якоже ты рекла еси.

Они же в радости воспеша Богу: Аллилуиа.

Икос 7

Новое чудо в молитве своей показала еси ты, блаженная мати,

егда рекла еси жене благочестивой: «Возьми пятак, потухнет».

Сим прорекла ей о пожаре дома ея. И по молитве твоей пламень

огня угасе. Мы же, ведяще сия, вопием ти похвальная: Радуйся,

скорби людские угашающая; Радуйся, дерзновение пред Богом

за страждущих явившая. Радуйся, свеча неугасимая, в молитвах

к Богу ярко горящая; Радуйся, предстательница наша в бедах и

напастях. Радуйся, страстьми одержимых от гибели спасающая;

Радуйся, благочестивых дев от брака неверного отвращающая.

Радуйся, клеветою уязвленных от отчаяния избавляющая;

Радуйся, на суде неправедном скорая защитница. Радуйся,

Ксения блаженная, молитвенница о душах наших.

Кондак 8

Странницей бездомной прошла еси путь жизни твоей в стольном

граде отечества нашего, в велицем терпении скорби и поношения

неся. Ныне же в горнем Иерусалиме пребывая, в радости поеши

Богу: Аллилуиа.

Икос 8

Всем вся была еси, Ксения блаженная: скорбящим утешение,

немощным покров и защищение, печальным радование, нищим

одеяние, болящим исцеление. Сего ради и вопием тебе: Радуйся,

в горних, обителях пребывающая; Радуйся, о нас грешных тамо

молящаяся. Радуйся, благий образ служения Богу явившая;

Радуйся, униженных и гонимых покровительница. Радуйся,

православный люд молитвами твоими заступающая; Радуйся,

обидимых и молящихся тебе защищающая. Радуйся, обидящих

вразумляющая; Радуйся, неверных и глумителей посрамляющая.

Радуйся, Ксения блаженная, молитвенница о душах наших.

Кондак 9

Всякия претерпела еси болезни, блаженная мати, нищету

телесную, глад и жажду, еще же и поношение от людей

беззаконных, иже мняху тя безумной быти. Ты же, Господу

моляся, выну взывала Ему: Аллилуиа.

Икос 9

Вития многовещанныя не могут разумети, како ты безумием

своим безумие мира сего обличила еси и немощию своею

посрамила еси крепкия и мудрыя. Не ведают бо в тебе

Божией силы и Божией премудрости. Мы же, помощь твою

получившия, поем ти таковая: Радуйся, Божественного Духа

носительница; Радуйся, со апостолом Павлом немощию

своею хвалившаяся. Радуйся, мнимым безумием своим мир

обличившая; Радуйся, красоту века своего спасения ради

отвергшая. Радуйся, небесная блага всем сердцем возлюбившая;

Радуйся, на путь спасения нас призывающая. Радуйся, во

грехе пьянства грозная обличительница; Радуйся,

безмездным врачом и милостивым всем бывшая. Радуйся,

Ксения блаженная, молитвенница о душах наших.

Кондак 10

Хотя спасти душу, ты плоть свою со страстьми и

похотьми распяла еси и, невозвратно себя отвергши,

крест свой на рама своя возложила еси и Христу

всем сердцем последовала еси, поя Ему: Аллилуиа.

Икос 10

Стена еси твердая и прибежище необоримое явилась

молящимся тебе, мати Ксения. Тем же заступай и нас

от враг видимых и невидимых молитвами твоими, да

зовем ти: Радуйся, на труд духовный нас воздвигающая;

Радуйся, от сетей вражиих нас избавляющая. Радуйся,

фимиам кадильный, Богу приносимый; Радуйся, мир

Божий в сердца людей приносящая. Радуйся, дух злобы

в сердцах озлобленных угашающая; Радуйся, детям

благим благословение подающая. Радуйся, тайною

молитвою их от болезней исцеляющая; Радуйся, миру

озлобленному мудрость Божию явившая. Радуйся,

Ксения блаженная, молитвенница о душах наших.

Кондак 11

Пение хвалебное приносят ти, Ксения блаженная,

спасшиеся твоими молитвами от бед и скорбей,

и всяких напастей, и купно с тобою радостно поют

Богу: Аллилуиа.

Икос 11

Светозарным светом явилось житие твое, святая мати,

во мраке жития сего освещающим люди. Ты бо падших

из тины греха избавила еси и к свету Христову направила

еси путь их. Тем же и зовем ти: Радуйся, православных

людей Божиим светом просвещающая: Радуйся, Христова

угодница, в мире надмирно пожившая. Радуйся, труды

многими великую благодать стяжавшая; Радуйся, во тьме

греха благодатию Божиею сиявшая. Радуйся, отчаявшимся

на пути спасения руку помощи подающая; Радуйся,

немощных в вере укрепляющая. Радуйся, духов злобы

посрамляющая; Радуйся, житием своим ангелов удивившая.

Радуйся, Ксения блаженная, молитвенница о душах наших.

Кондак 12

Благодать обильно источаеши, Ксения блаженная,

на чтущих память твою и прибегающих к покрову

твоему. Тем же и нам, тебе молящимся, источи от

Бога струи исцеления, да зовем Ему: Аллилуиа.

Икос 12

Поюще многая чудеса твоя, блаженная мати, восхваляем

тя и всеусердно молим, не остави нас грешных в скорбных

обстояниях, но умоли Господа сил, да не отпадем от веры

нашея православныя, в Нем же тобою утверждаеми зовем

ти: Радуйся, сострадати страждущим нас научающая;

Радуйся, немощи наша всеусердно врачующая. Радуйся,

распинати плоть со страстьми и похотьми научающая;

Радуйся, о чтущих память твою ходатаице и покровительнице.

Радуйся, скорбный путь прошедшая; Радуйся, спасение

вечное сим улучившая. Радуйся, ко гробу твоему

притекающим отраду подающая; Радуйся, о спасении

Отечества нашего присно ходатайствующая. Радуйся,

Ксения блаженная, молитвенница о душах наших.

Кондак 13

О святая блаженная мати Ксение, в житии твоем крест

тяжкий понесшая. Приими от нас, грешных, моление сие,

к тебе приносимое. Огради нас молитвами твоими от

наветов духов тьмы и всех, мыслящих нам злая. Умоли

всещедрого Бога подати нам силу и крепость, да кийждо

от нас возьмет крест свой и во след Христу грядет,

поя Ему с тобою: Аллилуиа.

(Этот кондак читается трижды, затем икос 1 и кондак 1)